ពិធីដេញថ្លៃគម្រោងមូលនិធិអភិវឌ្ឍន៍សង្កាត់ទាំង ៨ ឆ្នាំ២០១៦ ក្នុងខណ្ឌ៧មករា
10-August-2016 | ដោយ មែន កំសត់
រាជធានីភ្នំពេញ៖នាព្រឹកថ្ងៃ ០៩ ខែសីហា ឆ្នាំ២០១៦ នៅសាលប្រជុំរដ្ឋបាលខណ្ឌ ៧មករា បានរៀបចំពិធីដេញថ្លៃគម្រោងមូលនិធិអភិវឌ្ឍន៍សង្កាត់ទាំង ៨ ឆ្នាំ២០១៦ ក្នុងខណ្ឌ៧មករា ក្រោមអធិបតីភាព ឯកឧត្តម ប៊ុន សេរី អភិបាលរងរាជធានីភ្នំពេញ។
កិច្ចប្រជុំខាងលើនេះមានការចូលរួម មន្ត្រីទីប្រឹក្សាគម្រោងផអ៣ មន្ត្រីបច្ចេកទេស តំណាងក្រុមហ៊ុនអ្នកទទួលការ លោក លឹមសុភា អភិបាលខណ្ឌ ថ្នាក់ដឹកនាំសាលាខណ្ឌ ព្រមទាំងចៅសង្កាត់និងគណៈកម្មាការលទ្ធកម្មនៃសង្កាត់ និងមន្ត្រីពាក់ព័ន្ធជាច្រើននាក់ផ្សេងទៀត។
នាឱកាសនោះលោកលឹម សុភា អភិបាលខណ្ឌ បានថ្លែងថា ក្រុមប្រឹក្សាសង្កាត់ ក្នុងខណ្ឌ៧មករា និងរដ្ឋបាលសាលាខណ្ឌ បាននិងខិតខំកែលម្អសោភ័ណភាព កសាងហេដ្ឋារចនា សម្ព័ន្ធដូចជាការស្ថាបនាផ្លូវបេតុងក្រាលឆ្អឹងដែក ការជួសជុលផ្លូវគ្រួសក្រហម ផ្លូវក្រាលដីសការដាក់ប្រព័ន្ធលូរំដោះទឹកនិងការស្តា ប្រឡាយ ដើម្បីបញ្ចៀសជំនន់ទឹកភ្លៀង លិចភូមិដ្ឋានប្រជាពលរដ្ឋ។
ជាមួយគ្នានេះឯកឧត្តម ប៊ុន សេរី អភិបាលរងនៃគណ:អភិបាលរាជធានីភ្នំពេញ បានលើកឡើងថា ចំពោះការដេញថ្លៃគម្រោងមូលនិធិសង្កាត់នាពេលនេះ តំណាងក្រុមហ៊ុនទាំងអស់ ដែលបានចូលរួមដេញថ្លៃ ត្រូវពិចារណាឲ្យបានហ្មត់ចត់ពីតម្លៃ និងស្ថានភាពទីតាំងគម្រោងស្របតាមគោលការណ៍ណែនាំថ្នាក់ជាតិការ ធានាឲ្យបាននូវតម្លាភាពប្រសិទ្ធភាព ត្រូវគោរពក្រមសីលធម៌ ឲ្យបានតាមស្តង់ដារជៀសវាង ការប្រព្រឹទ្ធអំពើពុករលួយហើយក្រោយពីទទួលបានលទ្ធផលត្រូវមក ចុះកិច្ចសន្យាសាងសង់ និងមិនរត់ចោលកម្រោងដើម្បីរក្សាបានគុណភាពបទដ្ឋានគម្រោង៕
ចំនួនអ្នកទស្សនា
- ថ្ងៃនេះ1891
- ម្សិលមិញ5241
- សប្តាហ៍នេះ24741
- ខែនេះ17861
- ឆ្នាំនេះ354121
- សរុប19581567